Son unha fotógrafa e ilustradora que emprendeu a súa formación e actividade artística, nas rúas da cidade de Pontevedra, da man do graffiti.

En 2023, a miña obra formou parte do catálogo e exposición 1984. UNHA XENEALOXÍA FEMINISTA DA ARTE URBANA GALEGA (Auditorio de Galicia, Santiago de Compostela). Esta revisión historiográfica partiu dunha “suposta” ausencia de mulleres na arte urbana e o graffiti galego, das violencias machistas e trabas que vivimos as artistas no espazo público.