- Biografía
- Audios
- Videos
Converteuse por casualidade na primeira muller vocalista de orquestra nun tempo, os anos finais da década dos 50, en que subir aos palcos das verbenas era, como o coñac Soberano, cousa de homes. A primeira vez que actuou en público foi nunha homenaxe que se lle facía aos bombeiros no Teatro Malvar. Radio Pontevedra pediu intérpretes e a súa versión de La niña de puerta oscura gustou tanto que foi a canción elixida pola emisora para anunciar o evento.
Cando chegou a proposta da orquestra venceron as reticencias maternas un salario por noite similar ao soldo dun mes e o compromiso de vestir sempre de xeito elegante, que nunca rompeu.
Coñeceu o seu home cantando na orquestra Gran Casino, na que el traballaba como condutor. Casaron en 1962 e María Jesús enviuvou en 1964, cando a súa única filla tiña un ano. Tivo que sacala adiante soa pero, xa non o fixo cantando, senón limpando nun hotel primeiro e logo converténdose na conserxe do pavillón municipal de deportes. Foi iso e non ser unha pioneira nas verbenas o que a converteu en toda unha celebridade entre a mocidade usuaria. E foi tamén pioneira en mercar e conducir unha moto.
Autora: Montse Fajardo
Esta é unha biografía resumida, a completa pódese encontrar no PDF descargable.
Descargar