• Biografía
  • Audios
  • Videos

Pontevedra é a cidade na que reside os últimos anos da súa vida Josefina Blanco Tejerina, unha das máis recoñecidas actrices de finais do século XIX e comezos do XX. Nacida en León, compartiu con Valle Inclán escenarios e proxectos teatrais mais, despois do casamento en 1907, ao tempo que o nome do escritor medra en círculos teatrais e literarios, o seu esmorece até que tres anos despois volve aparecer na interpretación de Cuento de abril na Arxentina, obra de grande éxito para a actriz mais tamén para o seu home, autor e director artístico.

En 1912 retírase de novo do teatro, coincidindo co seu traslado a terras galegas e o nacemento dos seus fillos. Malia se divorciaren en 1932, Josefina Blanco fíxose cargo do legado literario de Valle Inclán despois da súa morte e, no remate do levantamento militar, trasladou a súa residencia a Pontevedra, cidade na que viviu no Hotel Engracia e no domicilio da rúa Peregrina no que faleceu en 1957.

Autora: Carme Vidal

Esta biografía forma parte do catálogo da exposiciónDo Gris ao Violeta‘.

Biografías Relacionadas
Share on facebook
Share on twitter
Share on linkedin
Share on whatsapp
Share on telegram
Share on email